tips,
عالسلامة،
✈✈ حضّر روحك لرحلة +8 ساعات ✈✈
عالسلامة،
حبّيت أول ما نبدا، نحكي على موضوع ينجم يفيدكم برشة كي تجيو تحضروا رواحكم لرحلة جوّيّة طويلة مدتها تفوت الثمانية ساعات.
هيّ رحلة تلقاك تستنّى فيها و في المغامرة اللي باش تعيشها و في نفس الوقت تبدا متخوف مالvol كيفاش باش يتعدّى.
قبل ما نعمل رحلة طويلة لوجت برشة على النصائح اللي ينجموا يفيدوني باش تتعدّى رحلة مرتاحة، و هذي خلاصة اللي تنجّم تفيدكم زادة:
باش تخطط للرحلة متاعك أوّل حاجة تعملها
- اختيار شركة الطّيران:
الوقت اللي باش تستغرقوا الرحلة ، السعر و مطار الescale هوما الحاجات اللّي تحدد اختيار الشركة في العادة.
أما الراحة متاع الرحلة متاعك مربوطة بنسبة كبيرة مع الخدمات و نوع الطّائرات اللي توفرهم مختلف شركات الطّيران.
تنجموا تشوفوا هوني الترتيب العالمي لشركات الطيران: SKYTRAX.
الاختيار زادة ينجم يقوم على المسافة بين المقاعد في الطياّرات. خاصّة في الرحلات الطّويلة على خاطر قد ما يكون عندك espace فارغ فدّامك على قد ما تكون رحلتك أرتح.
تنجّم تلقى هوني مقارنة للمسافات بين الكراسي في الطّيّارات.
- اختيار الكرسي le siège:
أكثر بلاصة مرتاحة في الطيارة هي بالطبيعة في الدرجة الأولى.. أما بالنسبة للنّاس اللي كيفي يسافروا في الدرجة الاقتصادية (فارق السّوم كبير برشة) أحسن بلاصة هي اللي بحذا باب EXIT وين ما فماش قدّامك كراسي و بالتّالي عندك وين تطلق ساقيك بالباهي طيلة ال 8+ ساعة متاع الvoyage. شنو خير من هكّة :D
البلايص هذومة فيسع يتعبّاو و لذا أقراو حسابكم باش تقصّوا الbillet على بكري و تختاروا الsiège متاعكم.
إذا كان لقيتوهم تعبّاوا تنجموا تختاروا بلاصتكم في أكثر نقطة راكحة و stable في الطّيّارة اللّي هية فوق الجناحات.
حاجة أخرى ماذابيكم تاخذوها بعين الاعتبار: خوذ الكرسي مالجهة اللي مستانس ترقد عليها (يمين.. يسار).
أختار siège اللي الكراسي اللّي بحذاه مزالوا فارغين.. لوكانك مزهار شويّة (برشة :D) تو تسافر تقول في الدرجة الاولى و يبدى عندك 3 كراسي تتمد عليهم و ترقد comme un bébé.
في الأخير أهم حاجة نحب نذكّركم بيها: كان عندكم مشكلة صحّيّة معينة ما تنساش تستشير طبيبك قبل الرحلة متاعك باش كل شيء يتعدّى لاباس و توصل في فورمة و تتفرهد في ال séjour متاعك.
BONUS: ليستة Liste تنجّم تعاونكم بالباهي كي تبداوا تحضروا في دبشكم تنجموا téléchargeيوها هوني.
رحلة ميمونة للجميع :D
حاجة أخرى ماذابيكم تاخذوها بعين الاعتبار: خوذ الكرسي مالجهة اللي مستانس ترقد عليها (يمين.. يسار).
أختار siège اللي الكراسي اللّي بحذاه مزالوا فارغين.. لوكانك مزهار شويّة (برشة :D) تو تسافر تقول في الدرجة الاولى و يبدى عندك 3 كراسي تتمد عليهم و ترقد comme un bébé.
- الحاجات اللي لازم تهزها معاك:
- oreiller de voyage: مخدّة متاع سفر: المخدة هذي تلقاوها في les grandes surfaces comme géant ou carrefour و تعاون برشة في السفر خاطر الposition assise بطول الوقت تعمل برشة وجيعة خاصة في الرقبة. و المخدّة هاذي تخلّيك تنجم تريّحها شويّة و تتّكّا عليها خاصّة كيف يجيك النّوم. جرّبها و une fois جرّبتها تو تقول ما عاد نسافر كان بيها.
- Boules Quies: سدّادات أذن: الاختراع هذا يعاون برشة كانك مالنّاس اللي يتقلقوا مالحسّ.. حس الmoteur متاع الطّيّارة والا حسّ bébé يبكي على طول ينجّم يقلقك و يزيدك في وجيعة الراس. les boules Quies هوني ينقصوا بالباهي في الحسّ و يخلّيوك تركز مع كتابك و إلا ترقد tranquillement. فمّا بضع شركات الطّيران اللّي يوفروهم في الkit اللي يفرقوه على المسافرين.
- Masque de nuit: مهمتو واضحة: ينقّص الضوء باش تنجّم ترقد كان الضوء يقلقك. كيف كيف فمّا شركات طيران توفّرهم لجميع الركّاب.
- écharpe et gilet كبار و دفدوفين: في الرحلات البعيدة المدى الطيّارة تطلع لفوق برشة و المكيّف وسط الطّيارة يخدم على طول donc الهواء يبرد برشة. une écharpe et un gilet حاجة لازمة.
- كتاب و إلا مجلة: بش تستحق برشة حاجات تقصر بيهم الثنيّة بخلاف النّوم :p كتاب باهي تحبّو و إلا كتاب يحكي على البلاد اللي ماشيلها لازم يتحط في السّاك قبل كل شيء.
- Gel désinfectant ou lingettes désinfectantes: يعاونوا برشة و ينقصوا وقت.. تنجم تستعملهم قبل ما تاكل بش ما تقعدش قايم حاطط و إلّا تنظّف بيهم الطاولة اللي قدّامك و يدين الكرسي متاعك قبل ما تبدا الرحلة. الطاقم متاع الطيّارة ينظفوهم بين الرحلات لاكن ما يعقموهمش.
- lingettes intimes: كيف كيف حاجة obligatoire في السّاك.
- تبديلة أخرى: مريول، سروال و كلاسط واسعين و مرتاحين، حاجات لازم تهزهم في ال cabine على خاطر ما تنجمش تعرف شنو يصير: تنجم تكب على روحك قهوة.. تجم valise متاعك ما توصلش معاك في الوقت.. حاصيلو هز تبديلة فوقك على ما يحدث.
- كلاسط سخان: هذوما ينجموا يبدلولك حياتك في الطّيّارة. كي تقعد قاعد برشة و ساقيك pendantes و زيد بال pression ساقيك يتفخوا و يوجعوا بعد سويعات من اتطلاق الرّحلة donc كي تطلع و شد بلاصتك أحسن حاجة تنحّي سبّاطك تحطّوا و تلبس كلاسط واسعين و دافيين، لوكان عندك مشكلة في الدورة الدموية (lourdeur des jambes ou des varices) هز معاك كلاسط طبّية : chaussettes de contention.
- trousse de toilette متاعك: هذي تو نحكيوا عليها مرّة اخرى أما لازم تكون فوقك و فيها الحاجات اللي تستحقهم brosse à dents, les indispensables makeup, des lingettes démaquillantes/rafraichissantes.
- الحاجات اللّي لازم تعملهم: شنوا تنجم تعمل باش تكون رحلتك مريحة و صحّيّة le maximum
- Hydratation: شرب الماء: في رحلات جويّة كيما هاذم الهواء عادة يبدا جاف برشة و لذا لازم حاجتين: تشرب برشة ماء و تهز معاك une bonne crème hydratante تعمل منها كل بضع ساعات.
- chewing-gum: إبدا امضغها قبل الdécollage دوب ما تشد كرسيك. الحيلة هذي تعاون على التخفيض مالوجيعة و القلق اللي يجي في الأوذان en régulant la pression في أوذانك.
- البس vos lunettes: هذي حاجة مهمة.. خاطر les lentilles de contact ما هوماش pratiques في الطّيّارة. الهواء شايح بالتّالي عينيك باش يشيحوا بزايد و يولّيو يقلقوا فيك كانك لابس des lentilles de contact. زادة الrisque d'infection يكبر في الرحلات الطويلة و لذا تجنّبا لهذا الكل البس ليناتك و pour un maximum de confort هز معك physiol و قطّر كل ساعتين :p
- البس دبش واسع و مرتاح: السفرة طويلة و باش تعدي 8+ ساعات قاعد و لذا السراول الضيقين و الصبابط اللي موش مرتاحين ماهوّاش منصوح بيهم. البس أرتح حاجة عندك. (بالنسبة للصبّاط البس واحد فيسع يتلبس و فيسع يتنحّى).
- أعمل شويّة حركات رياضية بساقيك في بلاصتك: و إلّا قوم تمشّى كل ساعة باش الدّم يدور في ساقيك و تنقّص مالإنتفاخ و risque تجلّط الدّم. (كان تحب تعرف أكثر على الموضوع زور: le syndrome de la classe économique)
في الأخير أهم حاجة نحب نذكّركم بيها: كان عندكم مشكلة صحّيّة معينة ما تنساش تستشير طبيبك قبل الرحلة متاعك باش كل شيء يتعدّى لاباس و توصل في فورمة و تتفرهد في ال séjour متاعك.
BONUS: ليستة Liste تنجّم تعاونكم بالباهي كي تبداوا تحضروا في دبشكم تنجموا téléchargeيوها هوني.
رحلة ميمونة للجميع :D
0 commentaires: